إمعانا فى الجهل والجهالة والتخلف والاستهتار بأرواح الناس، قررت حكومتنا الرشيدة فى ظل اتجاهها لترويج محافظة مطروح سياحيا، أن تزرع عمودى كهرباء فى شاطء حمام كليوباترا لإنارة صخرة كليوباترا الشهيرة... والعمودان بغض النظر عن قبحهما وتشويههما لمنظر الشاطئ الخلاب بطبيعته البكر، فقد لفتت نظرى كابلات الكهرباء وهى تمر من بين صخور الشاطئ أحيانا تغمرها الرمال وأحيانا أخر يغمرها الماء فى منظر بنبئ بكارثة محققة عاجلا أم أجلا... وأترككم مع الصور
ملحوظة: مياه مطروح شديدة الشفافية، ولذلك قد لا يظهر تماما الماء وهو يغطى الكابلات بوضوح.
16 comments:
heya deh masr ya 3ablah,qemah fe el 2ehmal bel 2arwa7
3amar ya masr
الواحد من كتر ما بيشوف اهمال خلاص قرف و بطل يشوفه....كأنن عنينا اتعودت عليه خلاص
برافو عليكى
الصور تؤكد فعلا الاهمال الشديد اللى يمكن يقتل
ومنذ شهور قليلة توفى شاب فى ريعان الشباب فى المنطقة السكنية التى اعيش فيها فى القاهرة عندما امسك عمود اضاءة تغمره المياه التى تسربت من ماسورة كسرها لودر احدى شركات الصرف الصحى
طبعا ناهيكى عن تخريب المكان الشاعرى الجميل على شاطىء مطروح
تحياتى
ممكن تكون من سبل مواجهة زيادة السكان
والله أعلم
Sola
الأهمال فعلا بقى عندنا زى طبق الفول.. مانقدرش نعيش من غيره
Hook
على رأيك.. الغهمال بقى هو الأساس والطبيعة فى حياتنا والحرص وسلامة النفس وسلامة الأخرين بقت هى اللى أوضاع شاذة غريبة
راجى
الأمثلة كثيرة جدا جدا جداجدا .... إلخ وليست فقط أعمدة النور.. يعنى مثلا المطبات والبالوعات فى الشوارع المظلمة وغيرها كثير
blackcairorose
هو ده الكلام... الحكومة من سنين طويلة محددة هدفها وهو تحديد النسل ومكافحة الانفجار السكانى وبتبتكر أساليب مبعدة ومبتكرة جدا فى تحقيق هدفها.. مبيدات مسرطنة، عواميد كهربة وأسلاك عريانة، غض الطرف عن الإهمال المرورى الجسيم على الطرق السريعة، عبارات تتحرق، عبارات تغرق، أوتوبيسات نقل عام تعتبر مصدر أساسى للتلوث الهوائة والأمراض الصدرية..
عملية نظيفة مية فى المية
بالتأكيد الحكومة عاملة حسابها و محضرة اسطوانة أكسجين و أجهزة انعاش القلب و غرفة عناية مركزة فى الوحدة الطبية اللى على الشاطئ جنب غرف خلع الملابس و دورات المياة المنتشرة فى كل الشواطئ سواء العامة أو الخاصة
الحكومة بس سهى عليها تحت يافطة احترس من الكهرباء اسوة بيافطة ممنوع لعب كرة المضرب و اليافطة اللى بترجونا نستعمل دورات المياه المنتشرة برضو فى جميع البلاجات
على فكرة اللى لابس كوتشى صعب يتكهرب الا بقى لو فى مد و البحر طالع و ده بيحصل متأخر قوى بالليل و عادة بيكون البلاج فاضى
بلاش بقى نتصيد الأخطاء الهايفة و نصطاد فى الماء العكر
Hassan
فعلا ... الحكومة بتعمل كدة بالظبط.. بس فى الدول المتحضرة :-))
يا عزيزى المشكلة مش فى انهم يحطوا يافطة.. المشكلة انهم كهربوا البلاج كله بالفعل وده طبعا دليل على اننا متقدمين وعندنا ريادة وقدرلاة على كهربة البحر المتوسط كله ...
عشان كدة احنا مش بنصطاد للحكومة فى المية العكرة... احنا بس بنخزى عنها العين لحسن تتحسد
الموقف ده ينطبق عليه مثل جه يحكحلها عماها و بعدين فيه مناطق سكانها ناس غلابة كتير اوى كانت اولى بالاهتمام ده يعنى
كالعادة
سوء تخطيط وسوء تنفيذ
وعدم إحساس بالمسؤولية
هذا الثلاثي هو إختصار لأي فعل يتم في مصر
يا جماعة ليه دايما نظرتنا ضيقة للامور
خلي عندكم رؤيا مثل الحكومه
اصلا المكان دا معروف انه ملتقى العشاق من ايام طنط ليلى وطبعامن باب حرص الدوله على ان العشاق يلتقوا فترات اطول اضائت لهم المكان علشان يبقى العرض مستمر
وبعدين موضوع الكابلات في الارض وفي المياة دا برضه ليه نظرة ورؤيا
لان العاشق لما يقول لحبيبته انا مستعد اموت نفسي علشانك يبقى كلام حقيقي ؛؛؛؛؛؛ افففففف مليتوا البلد
عاليا حليم..
يا عزيزتى أى شىء فى هذا البلد أصبح أولى وأبدى من الغلابة.. وسلامى لرغيف العيش أبو نص جنيه :)
علاء سالم..
أشعر أن الحكومة لا تفكر إلا بعقلية خولى العزبة أو مقاول الأنفار.. جاهل ذو سلطة
YASOVINAS
ياسووووووو.... ماشى يا عم الرومانسى
بس دى مرسى مطروح مش كورنيش بحرى p:
Post a Comment